Ruoŧa ruvkefitnodat, Arctic Gold, áigu dál garrasabbot bargat suohkanválggaide mat leat bennot jagi geahčen Norggas.
Eai vuollán
Sii eai leat eisege vuollánan ásaheamis ruvkedoaimmaid Biedjovággái, Guovdageidnui vaikko suohkanstivra máŋgii lea hilgon sin.
Claesson gáddá ruvkegažaldaga šaddat guovddážiin Guovdageainnu suohkanválggaide ja lohká ge fitnodaga áigot aktiivvalaččat searvat servodat digaštallamiidda mat gusket ruvkedoibmii.
Váikkuhit válggaide
Arctic Gold lea guhkit áigge bargan dan badjelii ahte beassat čađahit plánaprográmma vejolaš ruvkedoaimma ektui Biedjovákkis Guovdageainnus, muhto suohkanstivra lea máŋgii cealkán ahte sii eai doarjjo dakkár guorahallama.
Vuosttaš geardde go sii beahttaledje lei cuoŋománus 2012s.
Ikte maŋŋelgaskabeaivvi leige fitnodagas jahkečoahkkin ja jahkedieđáhusas celket ge čielgasit ahte sii áigot bargat nu ahte sáhtášedje váikkuhit suohkanválggaide.
- Guldal ášši:
