Guolástanriidu Bargiidbellodagas
Bellodaga sámepolitihkalaš prográmmalávdegoddi lea prográmmaevttohusas sihkkon sisdoalločuoggá, mas gáibiduvvui ahte Finnmárkku báikkálaš guolásteddjiide galgá mieđihit historjjálaš guolástanvuoigatvuođaid. – Viehka ártet, cealká bellodaga parlamentáralaš jođiheaddji Sámedikkis, Vibeke Larsen. Soai bellodatskihpáriin Bjørn-Inge Mo'ain lohpideaba dáistalit sisdoalločuoggá oažžut ruovttoluotta prográmmii.