Givssidanášši dikkis
Kárášjoga gielda ii mieđit iežas sivalažžan givssidanáššis maid ovddeš oahppi Arnar Vuolab Jørgensen lea čužžehan. Gielda ii dohkket buhtadasgáibádusa ge. Dikkis ikte imaštalai gieldda advokáhta Hannah Stuve manne Jørgensen ii dáhto buhtadasa Gáivuonas ge gos maiddái givssuduvvui. Jørgensena advokáhtta, Arvid Kjærvik muittuhii ahte sihke Finnmárkku fylkkamánni ja mánáidáittardeaddji leat cuiggodan Kárášjoga go ii váldde givssideami doarvái duođas.