Ikte heaittihuvvui giđđalodden gulaskuddan. Birasgáhttendepartemeanta lea árvalan gulaskuddamii ee. ahte jahkái oažžu báhčit beannot čuohte čáhcelotti. Dát gal ii atte báljjo málesteami ovtta olbmuige, dadjá Sámi Bivdo- ja meahcástansearvvi stivralahttu, Johan Anders Somby.
– Lea dan láhkai, ahte mis leat oalle olu loddebivdit, váikke dáid maŋimuš jagiid eai leat dieđihan dán giđđaloddemii, go gaskamearálaččat 150 bivdi. Das juo sáhttá rehkenastit, ahte de boađášii dušše okta loddi bivdi nammii, iihan das šatta málisge, dadjá Somby.
Somby muitala iežaset árvalan oažžut báhčit 500 lotti, lassin dan bivdo-errii, mii lea čakčat.
Viiddidit bivddu
Ikte lei maŋimuš beaivi buktit cealkámuša Birasgáhttendepartemeanta árvalussii, mo giđđalodden Guovdageainnus berre hálddašuvvot. Ávjovári Luonddugáhttenlihttu ii leat buktán cealkámuša áššái, go lea buoret, jus eai loga maidege, go dan ahte vuosttildit, dadjá jođiheaddji Svein Lund NRK-Sápmái.
Departemeanta árvala vissis guovlluide bivdolobi. Sámi bivdo- ja meahcástansearvvi mielas ferte viidábut beassat bivdit.
– Dan lassin sii leat árvalan viidudit bivdoguovllu, ii dušše dan Guovdageainnu čázádahkii, muhto guovlluide dego Stuorrajávri ja Suttomašluobbal ja vel moatti eará guvlui, čilge Somby.
Dás gulat ášši: