Gergosat Conifa čiekčamiidda Bådådjos
Guovtti vahkku geažes de leat Conifa nissoniid spábbačiekčan máilmmicupa Bådådjos. Spábbačiekčanlihttu Conifa presideanta Per-Anders Blind lei Bådådjos ikte go hálešteimmet sutnje.
Leat jearaldagat nu go ahte mo joavkkut besset bassaladdat, mo johttit hotealla, čiekčanšiljuid ja hárjehallanšiljuid gaska, TV-buvttadeapme, duopmárat, ja olu eará.
Vihtta joavkku servet geassemánu álggus Conifa nissoniid spábbačiekčan máilmmicupii Bådådjos. Kashmir lea geassádan čiekčamiin.
Sámi nissonjoavkku vuosttaš čiekčan šaddá Tibehta vuostá geassemánu 4. beaivve, de čikčet Davvi-Kyprosa vuostá geassemánu 5. beaivve.
Dat njeallja buoremus joavkku leat beallefinálas dahje semifinálas dien bearjadaga, geassemánu 7. beaivve ja finála čiekčamat beaivvi maŋŋá.