Gárvvista dáiddačájáhusa

Gula ášši

Hør innslaget på norsk

Son álo buhtista čájáhuslanjaid ovdalgo álgá iežas dáidagiid dokko bidjat. Muhtimin son láve rumbbuid dearppadit, ja maiddái geavaha salvie-urtasiid. Dát hadje dat buhtista buot eret mii daid ovddit čájáhusain leaš báhcán lanjaide. Nie son ráhkkana ovdalgo bidjagoahtá dáidagiiddis dáid lanjaide.

Olmmáivákkis eret

Asbjørn Unor Forsøget lea Olmmásvággelaš, gii lea dáiddaoahppus váldán Bergena Dáidda-allaskuvllas ja Kabelvåga Dáiddaskuvllas. Eanemusat mále son govaid, muhto ráhkadaddá gal maid dáidagiid keramihkas, ja čuollá maid bácciid ja eará dáiddalaš ráhkkanusaid. Dál njukčamánu 3.beaivvi rahppo su čájáhus Sámi Dáiddaguovddážis Kárášjogas ja su dáidagiid lea vejolaš oaidnit gitta miessemánu viđat beaivái.

Ekspermentella dáidda maiddái

Sámi Dáiddaguovddáža smávit lánjas lohká leat eanet dakkáraš eksperimentella dáidagiid. Dáid son ii leat dáid málen, baicce lea golggahan mála, ja de leatge šaddan danin go dat dál leat oaidnit. 1970-logu glássaliinnit dat su fuopmášahtte ná dahkat, ja dát muittuhit sutnje iežas mánnávuođa.