Hopp til innhold

Dáhttu diehtit ođđa várrepresideanta nama

Sámediggeáirras, Geir Tommy Pedersen, gáibida ahte Sámedikki dievasčoahkkin beassá diehtit gii šaddá ođđa várrepresideantan.

Geir Tommy Pedersen
Foto: Dan Robert Larsen / NRK

Dálá várrepresideanta, Laila Susanne Vars, lea ožžon direktevrra virggi Gáldus, mii lea álgoálbmot gelbbolašvuođaguovddáš Guovdageainnus. Vars bellodat, Árja, válljii duvle ođđa várrepresideanta Sámediggái, muhto eai álmmut gii son lea ovdalgo leat addán buot dieđuid Sámediggepresidentii, Egil Ollii.

Sámedikki dievasčoahkkin ii leat ožžon čálalaš dieđu ahte Vars luohpá ráđis, iige dieđe gii su ovddas joatka ámmáhis.

– Lea riekti diehtit

Laila Susanne Vars

Laila Susanne Vars lonuha ámmáha

Foto: Dan Robert Larsen / NRK

– Oaivvildan ahte sámi álbmogis lea riekti diehtit gii galgá stivret Sámedikki, ja go leat addán dieđu ahte ráđđelahttu ii šat joatke, de berre álmmuhuvvot gii su sadjai boahtá, lohka Norgga Sámiid Riikasearvvi Geir Tommy Pedersen.

– Manne dárbbahehpet diehtit go Vars ii luoba ovdal miessemánus?

– Sámediggi orgánan ferte dan meare árvvus adnojuvvot ahte muitalit gii šaddá ođđa njunušolmmoš Sámedikkis, ja lea ártet go eai álmmut nama, lohka son.

Ii leat ohcan virgelohpi

Sámediggepresideanta, Egil Olli (Bb) logai dievasčoahkkimis ikte, gaskavahku, ahte sus ii leat intenšuvdna rievdadit ráđi.

– Laila Susanne Vars lea njálmmálaččát addán dieđu ahte lea ožžon direktevra virggi Gáldus, ja ahte hálida álgit dán ođđa virgái. Muhto son ii leat ohcan virgelobi, dajai Olli gaskavahku.

Várrepresideanta Vars (Árja) dieđiha ahte áigu ohcat virgelobi.

– Ovdal boahtte dievasčoahkkima lea presideanta ožžon ohcámuša, lohka son.

Lea dieđihan

Vars ii loga dábálažžan ohcan virgelobi jagi ovdal go áiggušii luohpat, ja lohka iežas muitalan presidentii dán birra. Maiddái ovttasbargoguoimmit, iežas joavku ja bellodatjođiheapmi lea ožžon dieđu ahte lea ožžon Gáldus virggi ja áigu álgit dohko ovdal miessemánu vuostaš beaivvi.

– Sámediggepresideanta sáhttá okto válljet iežas ráđđelahttuid, nu leat njuolggádusat. Gažáldat sáhttá go rievdadit ovttasbargošiehtadusa, boahtá das mot mii leat šiehttan go vuollaičáliimet šiehtadusa, lohka Laila Susanne Vars.

Korte nyheter

  • Ná olu máksá elrávdnji Davvi-Norggas vuossárgga

    Les på norsk:

    Vuossárgga šaddá Davvi-Norggas elrávnnje gaskamearálaš haddi 27,3 evrre kilowattdiimmus. Dat lea 7,6 evrre eambbo go sotnabeaivvi ja 3,9 evrre eambbo go seamma beaivvi diibmá.

    Dan čájehit hvakosterstrommen.no logut.

    Alimus haddi vuossárgga šaddá 29,5 evrre kilowattdiimmus, gaskal tii. 18 ja 19.00. Dat lea 1,7 evrre eambbo go sotnabeaivvi ja 5,5 evrre eambbo go seamma beaivvi diibmá.

    Vuolemus haddi šaddá 23,1 evrre kilowattdiimmus gaskal diibmu 2 ja 3 ihkku.

    (NTB)

    Strømkabler
    Foto: Terje Bendiksby / NTB
  • Amerihkkálaš bombagirdit girde Norgga ja Suoma badjel

    Les på norsk:

    Guokte amerihkálaš B-52 Stratofortress bombagirdit girde sotnabeaivve Norgga ja Suoma badjel. Dan dieđiha Suoma suodjalusdepartemeanta.

    Bombagirdit girddiiga máttaguvlui Norggas Lapplánda guvlui Supmii. Golbma táŋkagirdi girde maŋis.

    Suoma suodjalusdepartemeantta dieđuid mielde lei dá hárjehallan mii lei koordinerejuvvon lihtolaš riikkain.

    Ruošša sáddii guokte soahtegirdi go oidne ahte guokte amerihkálaš bombagirdi lahkonišgohte Ruošša áibmolanja, Barentsábi bajábeale. Dan dieđihii Ruošša suodjalusdepartemeanta otne.

    Ruošša departemeantta dieđuid mielde de girde amerihkálaš girdit eará guvlui go fuomášedje Ruošša soahtegirdiid lahkonišgoahtimin.

    (NTB)

    Amerikanske B-52 og to svenske JAS Gripen og to norske F-35 kampfly vest for Andøya.
    Foto: Forsvaret
  • Så mye koster strømmen mandag

    I Nord-Norge blir det en snittpris for strøm på 27,3 øre per kilowattime (kWh) mandag og en makspris på 29,5 øre.

    Mandagens snittpris per kWh er 7,6 øre høyere enn søndag og 3,9 øre høyere enn samme dag året før, viser tall fra hvakosterstrommen.no.

    Maksprisen mandag på 29,5 øre per kWh er mellom klokken 18 og 19. Den er 1,7 øre høyere enn søndag og 5,5 øre høyere enn samme dag året før.

    Ser man bort fra strømstøtten, men inkluderer forbruksavgift (15,84 øre per kWh) og avgift til Enova (1 øre per kWh), ville maksprisen i Nord-Norge vært 46,4 øre.

    90 prosent av prisen over 73 øre dekkes av strømstøtten, og støtten beregnes time for time. Strømstøtten dekker altså ingenting mandag, siden prisen aldri overstiger 73 øre.

    I Nord-Norge er det ingen moms på strøm til husholdninger, og i Finnmark og Nord-Troms slipper husholdninger og offentlig forvaltning også å betale forbruksavgiften.

    Minsteprisen blir på 23,1 øre per kWh mellom klokken 2 og 3 på natten. (NTB)

    Strøm
    Foto: Simon Skjelvik Brandseth / NRK