Juovlamánu 23. beaivvi celke guohtunroasu Finnmárkui, goahtoeatnamiin mat leat siskkimusas Suoma rájá alde Guovdageainnu suohkanis.
Dál lea roassu sturron, ja boazodoallodirektevra Sunna Marie Pentha meroštallá 50-60.000 bohcco šaddat lasi biebmat olles nuorta-, oasit oarjji- ja gaskaguovlluin Finnmárkkus. Nu čállá Altaposten.
E-guđeš geainnus Ráhkká davábealde Nordlánddas lea mannan ija mannan soavlerihtu, 2-3 mehtera govdu ja mehtera alu. Okta biila vujii dán rihtui. Vuoddji lea beassan eret biillas iige leat roasmmohuvvan.
Dán ija heajos dálkki ja uđđasiid geažil lea E6 geaidnu gitta máŋgga sajis Romssas, Finnmárkkus ja Nordlánddas. Dasa lassin lea heajos siivu máŋgga sajis.
Heahtebálvalusat šadde veahkehit njeallje olbmo Hársttáin guođđit, dahjege evakueret ruovttustis go návetrohpi girdilii bearraša stobu njeaiga eahkes sotnabeaivve. Ii oktage roasmmohuvvan.
