Sámi girkoráđđi lea dárkilit čuvvon Duohtavuođa- ja soabahankommišuvnna bargguid ja leamaš mielde daid gulaskuddamiin mat leat čađahuvvon dan hárrái.
Dál vurdet ahte seanadanbargguid váldet duođas, girkus goit leat fuomášan dáruiduhttima hástalusaid ja seanadeamen bargamin. Nu muitala Sámi girkoráđi jođiheaddji Sara Ellen Anne Eira.
Dás sáhtát gullat Eira.
Son lea vihtta jagi leamaš Duohtavuođa- ja soabahankommišuvnna lahttu, Per Oskar Kjølaas.
Son šattai ieš bivdit veahkki maŋŋá go lei gullan lossa muitalusaid dáruiduhttima váikkuhusaid birra.
Bisma emeritus lohká buorre viimmat geargan dáinna bargun go raporta dáruiduhttima birra lea geigejuvvon Stuorradiggái.
Gula Kjølaasa dás:
Sosialisttalaš Gurutbellodaga jođiheaddji ja Stuorradiggeáirras, Unjárgalaš Kirsti Bergstø, lea vuordán dan beaivvi go Duohtavuođa- ja soabahankommišuvnna raporta dáruiduhttima birra almmuhuvvo.
Son lei okta dain gii garrasit barggai vuoi dát kommišuvdna ásahuvvo ja guorahallagohtet dan dáruiduhttima.
Duorastaga lei Bergstø duđavaš go raporta dáruiduhttima birra almmuhuvvui ja lohpida čuovvulit ja gozihit ášši Stuorradikkis.
Gula jearahallama sutnje dás.
