Hopp til innhold

Ballá neaskinmašiinna ráigat gápmasiid

Duojár eahpida ahte mašiinna neskon gápmasat šaddet lihká buorit, go gápmasat mat leat neskon árbevirolaččat.

Duodji utøver har store forventninger til den nye skankemaskinen som Sametinget har ordet til Duodjeinstituhtta.

Duodjeinstituhta Inga Hermansen oaččui sihke njuoska ja goike gápmása duojáris Karen Márehis(ruoná jáhkka mašiinna duohken). Duojár áiggui iskkat ráigá go mašiidna goike gápmasa.

Karen Máret lea neaskán bohccogápmasiid olles eallinagi.

Dál son árvvoštallá áibbas ođđa neaskinmašiinna ávkkástallat, muhto ballá ahte dainna eai šatta lihká buorit gápmagat go jiehkkuin.

– Mun háliidan oaidnit lea go dat dakkár mii gaikkoda gápmasiid. Jus šaddet olu ráiggit maid šaddá duokŋat, de gal eai biste gápmagat nu guhka, lohká duojár Karen Máret Sara.

Sámediggepresideantta almmuhii mašiinna

mánnodaga bođii Sámediggepresideantta almmolaččat čájehit ja bidjat atnui neaskinmašiinna Guovdageainno duodjeinstituhtas.

– Neaskit lea losses bargu. Mun sávan dát mašiidna sáhttá maid addit eanet dietnasa duojáriidda, lohká Sámediggepresideantta Aili Keskitalo.

Sámediggi skeŋke mašiinna sihke Guovdageidnui ja Kárášjohkii, mat mákset oktiibuot 28 000 euro.

Hástalii Duodjeinstituhta jođiheaddji

Duojár Karen Máret hástalii Inga Hermansena geahččalit neaskit sihke njuoska- ja goikegápmasa.

Olbmot geat ledje boahtán mašiinna almmuheapmái šuohkihedje go oidne man linis ja dimis mašiinna neskon gámas šattai.

– Dát gal šattai buorre, lohká Duodjeinstituhtta-jođiheaddji Inga Hermansen ja geahčesta Karen Máreha guvlui ja dadjala vel.

– Na jus duojár ieš lea duhtavaš gii galgá dáinna gápmagiid goarrut.

– Jua, mun gal lean duhtavaš, vástida Karen Máret, seammás go studere dan easka neskon goikegápmasa, mii šattai nu fiinnis.

Njealje minuhtta ádjána neaskit gápmasa

Duodjeinstituhta Hermansen muitala ahte dábálaččat ádjána jiehkkuin neaskit sullii 20 minuhtta ovttain gápmasiin. Mašiinnain ii ádján go njealje minuhtta.

Muđui muitala ahte duojáriidda šaddá hálbi boahtit mašiinnain neaskit.

Mii eat boađe váldit eará sullii 20 ruvnno gotturis(njealji gápmasis), lohká son.

Jáhka buoret dietnasa mašiinnain

Karen Máret áigo ávkkástallagoahtit mašiinna ja jáhka buoret dietnasa šaddat mašiinnain.

– De sáhttá, manne ges ii. De don it dárbbaš oainnat neaskit. Beasat baicca dikšut ja álgit goarrut dan sadjái go neaskit, lohká son.

Korte nyheter

  • Fertejedje sirdit Bæskadesrennet moala

    Les på norsk.

    Bæskadesrennet gilvočuoigit galge rievtti mielde čuoigat 28 kilomehtera Suolovuomis gitta Ruonávuovdái.

    Heajos muohtadilálašvuođaid geažil leat šaddan moala sirdit moadde kilomehtera lagabui. Čuoigamat lea dál 25 kilomehtera guhkku.

    17:s leat dieđihan gilvoluohkái. Oassálastit čuigegohte dii. 11 ja vurdojuvvojit mollii ollet dii. 12:s.

  • Listhaug ođđasit válljejuvvon Ovddádusbellodaga jođiheaddjin

    Les på norsk.

    Ovddádusbellodaga riikkačoahkkimis lea Sylvi Listhaug fas válljejuvvon Ovddádusbellodaga bellodatjođiheaddjin

    Listhaug lea bellodatjođiheaddji leamaš miessemánu 2021:i rájes.

    Liv Gustavsen, Kristoffer Sivertsen ja Marte Joan Monstad ges válljejuvvojedje fásta lahttun Ovddádusbellodaga guovddášstivrii.

    Gustavsen lea ođđasit válljejuvvon, muhto Monstad lea ođđa lahttu. Rørvik ges lea ovdal leamaš 4. várrelahttu.

    Sylvi Listhaug
    Foto: William Jobling / NRK
  • Listhaug gjenvalgt som partileder for Frp

    Sylvi Listhaug ble gjenvalgt som Frps partileder på landsmøtet søndag formiddag.

    Det var ingen motkandidater, og Listhaug ble valgt ved akklamasjon.

    Listhaug har vært partiets leder siden mai 2021.

    Sylvi Listhaug
    Foto: William Jobling / NRK