Hopp til innhold

Duoguštan 1,3 kilo amfetamiinna

Finnmárkku politiiját leat duoguštan 1,3 kilo amfetamiinna Deanus. Goalmmátlotjahkásaš almmái lea áššáiduhtton. Politiiját navdet narkotihkká lei oaivvilduvvon vuvdot Várjjat guovllus.

Korte nyheter

  • Norga ásaha fas biebmogordnevuorkkáid

    Les på norsk:

    Lea badjel 20 jagi áigi go Norga heaittihii gordnevuorkkáidis. Dál galget gearggusvuođavuorkkát leat fas dievva biebmogortniin.

    Ovdal jagi 2029 lea plánejuvvon ahte vuorkkáin lea doarvái biebmogordni golmma mánnui, namalassii 82 500 tonna oktiibuot.

    Stáhta dat oamasta gortniid ja gávppálaš aktevrrat gis vurkkodit daid.

    Pandemiija, dálkkádatrievdamat ja soahti Eurohpás dahket dárbbašlažžan ásahit fas gordnevuorkkáid.

    Gearggusvuođakommišuvdna rávvii diibmá ásahit fas gordnerádjosiid, main lea doarvái biebmogordni duđa mánu geavaheapmái.

    Korn på åkeren.
    Foto: Terje Pedersen / NTB
  • Kárášjogas riegádit eanet mánát go vurdon

    2023:s ja dán rádjai 2024:s leat riegádan eanet mánát go vurdon. Maiddái eanet olbmot fárrejit gildii. Dat dahká ahte Kárášjogas váilot mánáidgárdesajit 2024/25 mánáidgárdejagi.

    Dán čállá Ságat.

    Dál leat olles ovcci máná vuordinlisttus geaidda gielda ii sáhte fállat saji.

    Kárášjoga gielddastivra lea danin mearridan rahpat Láttošluohká mánáidgárddis ossodaga mii leamaš gitta. Dan vai fuolahit ahte buot mánát ožžot dan mánáidgárdesaji masa lea vuoigatvuohta.

    Dát mielddisbuktá lassánan bálkágoluid mat eai leat bušehterejuvvon dán jagi.

    Karasjok, Kárášjohka
    Foto: Dan Robert Larsen
  • Ministaris lea jáhkku prošektii

    Les på norsk:

    Norgga čázádat- ja energiijadirektoráhta almmuhii ikte guđet 12 fápmoprošeavtta Finnmárkkus galget viidáseappot gulaskuddamii čakčat.

    Dát prošeavttat leat oassin industriija- ja fápmoloktemis, muitala oljo- ja energiijaministtar Terje Aasland.

    Aasland jáhkká ahte válljejuvvon fápmoprošeavttat leat eambbo go doarvái čađahit Muolkkuid elektrifiserema.

    Terje Aasland energiminister (Ap)
    Foto: Lars Tore Endresen / NRK