Duššai skohterlihkohisvuođas

16-jahkásaš gánda duššai skohterlihkohisvuođas Báhccavuonas Romssa fylkkas eahkedis gaskavahku. Lihkohisvuohta dieđihuvvui politiijáide veahá ovdalaš diibmu ovcci eahkedis. – Duššan almmái vujii fárrolaga njeljiin eará nuorain ja sii ledje jođus várrái, muitala Gaska-Romssa leansmánneguovllu leansmánne Andreas Nilsen NRK Romsii.

Korte nyheter

  • Dollavárri ealáskan Indonesiijas

    Java sullos Indonesiijas báhtarit olbmot baluin dollaváris mii lávvardaga ealáskii. Báikkálaš TV-stášuvdna lea sádden ealligovaid filbmejuvvon giehtatelefovnnain, mas oaidná olbmuid geat vihket eret gudnabalvvas. Semeru dollavárri ealáskii bearjadaga.

    Vulkanutbrudd i Indonesia
    Foto: HANDOUT / AFP
  • Eaminissonat gillájit veahkaválddi

    Eambbogo 80 proseantta USA eamiálbmotnissoniin lohket sii leat vásihan veahkaválddi iežaset eallimis. Muhtin reserváhtain lea veahkaváldi nissoniid vuostá logi geardde bajábeale nationála dási, čállá Al Jazeera. Oassi váttisvuođas lea, ahte eamiálbmot politiiját ja dikkit eai sáhte dahket maidige jus ii-eamiálbmot vearredahkki verroša reserváhtain.

    Urfolkskvinne blir skylt med vann i ansiktet
    Foto: Adam Alexander Johansson