Davvi Dearvvašvuohta evttoha heaittihit jándordivššu guđa psykiátralaš guovddáži
Davvi Dearvvašvuohta evttoha heaittihit jándordivššu guđa psykiátralaš guovddážis miehtá Davvi Norgga.
Nu boahtá ovdan doaibma- ja doaibmajuohkin gulaskuddanevttohusas, Davvi Dearvvašvuođa stivrabáhpiriin duorastaga.
Hálddahus direktevra, Marit Lind, duođašta ahte bargojoavkku evttohus, mii lea bargan psyhkalaš dearvvašvuođasuddjema doaibmajuoguin, bisuhuvvo.
Čuovvovaš guovlomedisiinnalaš guovddážiid evttohit heaittihit
DPS Deatnu/Tana
DPS Hánssagieddi/Storslett
DPS Silsand
DPS Ealjasnjárga/Storsteinnes
DPS Lofoahta ja Spolavuolli/Svolvær
DPS Mussere/Mosjøen
Marit Lind rehkenastá seastit 40 bargosaji olles Davvi Dearvvašvuođa doaimmas, jus evttohus doaibmagoahtá.
Davvi Dearvvašvuođa stivra meannuda gulaskuddanárvalusa ođđajagimánu 9. beaivvi.
NRK ii leat lihkostuvvan oažžut kommentára Davvi Dearvvašvuođa hálddahusdirektevrras, Marit Lindas.