Norgga Sámiid Riikkasearvi áiggošii sámi ofelaš-prošeavtta davviriikkalaš prošeaktan.
Muhto jurdda ii leat ođas. Guokte jagi áigi juolludii bargo- ja searvádahttindepartemeanta beannot čuođi duhát ruvnnu ovdaprošektii mas galge árvvoštallat sáhttá go prošeakta viiddiduvvot Supmii ja Ruŧŧii.
– Dál lea dát bargu measta gárvvis ja jurdda lea álggos viiddidit Ruŧŧii, muitala Risten Rávna Länsman Sámi allaskuvllas.