«SÁPMI! Dárbbahan du veahki!»
Diet lea oasáš lávlu ja juoigi, Sofia Jannok, ávžžuhusas, maid son lea almmuhan Facebookii.
Dán sosiála media bokte son cealká ahte háliida olbmuid searvat iežas musihkkavideobáddemii, mii buvttaduvvo «This is my land»-nammasaš ođđa šukŋii.
– Filbme iežat
«Govve lihkki govaid DU ráhkis ruovttus – duoddariin, jávrriin, miessemearkumiin, vumiin, gáttiin, enuin. Mielas filbme maid ámadajuid du dahje du oahppásiin geat ellet Sámis.»
Nie maid čállá Sofia Jannok Facebookas.
Videot mat sáddejuvvojit artistii, ja maidda son liiko buot buoremusat, válljejuvvojit leat oassin musihkkavideos maid son dáid áiggiid áigo báddet.
(Artihkal joatkašuvvá vuolábeale Facebook-dieđu – deaddil kommentára-oasi lohkandihtii artistta ávžžuhusa sámegillii)
Loaiddasta festiválas
Sofia Jannok lea okta dain geat čuojahit Márkomeannu-festiválas dán geasi (olgguldas čujuhus).
Ovddit háve go Jannok almmuhii skearru lei 2013:s. Das lea namma «Áhpi», man ovddas oaččui olu rámi.
Guovdageainnus 2003 beassážiid, vuittii son Sámi Grand Prix:a lávlunoasi šuoŋain «Liekkas», Guovdageainnus.
Diibmá bálkkašuvvui ges Áillohaš-bálkkašumiin.
Sofia Jannok beaggigođii birrasii jagi 2000, go mánnávuođaskihpáriin, Anna Kärrstedtain, fárrolagaid almmuheigga guovttešuoŋat skearru, šuoŋaiguin «Du čalmmit» ja «Rievssat».
Vuolábealde sáhtát oaidnit eará Sofia Jannok musihkkavideo: