Agnete Johnsen muitalal iežaset oahpahallan olu dál ovdalaš nuoraid Grand Prix gilvvu, muhto ii dieđe mo manaš gal go ollejit Oslo Spektrum:ii Melodi Grand Prix jr. gilvlui. Sii leat dál searvan máŋggalaganaš doaluide čuojahit, jos de ná maid oaččošedje hárjáneami lávlut olbmuid ovddas.
Nearvvat dovdojit
BlackSheeps lávlu muitala alddes dál dovdot nearvvaid, son ballá veaháš, ja go smiehtasta man stuorra doaluide sii leat mannamin de gal veaháš dorggiida. Sii leat fitnan Oslo Spektrum:s geahččamin mo doppe lea, ja dát duođaid lea balddihahtti stuoris.
Áhčči dorggiidaddá
Arild Johnsen gii lea Agnete áhčči muitala iežas maid dorggiidaddat go smiehttá masa su nieida ja dát nuorat leat searvamin. Su mielas eai oro nuorat gal vel riekta ádden man stuorra gilvui sii leat searvamin. Illuda son gal diehtalasat maid nuoraid dihtii go leat beassan nie guhkás ahte servet Melodi Grand Prix jr. gilvvuide.