– Son lea gozuin, muhto biegui niskkis bákčasiid, muitala operašuvdna jođiheaddji Bjørn Tormod Syversen nuorta-Finnmárkku politiijaguovllus.
Politiijat ožžo dieđu muhtun biilavuoddjis mánnodaga diibmu 14.08, gii fuomášii biilla doaresbealde Idjajávrri buohta, Kárášjoga gielddas.
Politiijat eai dieđe vuos manne nieida lea vuoddján badjel luotta, muhto dieđihit ahte biila lea jorihan birra.
– Mii eat vuos dieđe manne vujii doaresbeallái, dadjá Syversen.
Nieida lea sáddejuvvon Seaking-helikopteriin Hámmerfeasta buohccivissui.
Biila vujii badjel luotta Idjajávri buohta, gaskal Kárášjoga ja Leavnnja.