Hopp til innhold

Biilabuollin Guovdageainnus

Oarje-Finnmárkku politiijaguovlu leat dál dutkamin biilabuollima Guovdageainnus. Odne lávvardaga ožžo politiiját dieđu ahte biila lea buollán Guovdageainnu márkana oarjjabealde. Oarje-Finnmárkku poliijaguovllu operašuvndajođiheaddji, Sverre Andre Opdahl, muitala ahte biilabuollimis ii lea oktage roasmmohuvvani, iige sáhte dadjat eanet áššái dál. Biila lei guđđojuvvon lahka ovddeš suodjalusa girdigietti márkana oarjjabealde.

Korte nyheter

  • Lea meannudan dieđihanášši

    Guovdageainnu dárkkistanlávdegoddi lea otne meannudan suohkandirektevra dieđihanášši, čállá Ávvir.

    Dárkkistanlávdegoddi čuovvulii čállingotti árvalusaid ja nu ávžžuha lávdegotti suohkanstivrra earret eará váidit vejolaš láhkarihkkumiid ja vuoruhit dárkilis guorahallama dieđihanáššis. Dárkkistanlávdegoddi lasihii vel ovtta čuoggá mas árvalit ahte suohkanstivra mearrida ahte suohkana ehtalaš njuolggadusat ođasmahttojuvvojit.

    Ášši duogáš lea dieđihanášši mas suohkandirektevra Kent Valio balaha ahte máŋga suohkanpolitihkkarat leat seaguhan rollaid ja geahččalan fidnet alcceseaset persovnnalaš buriid.

    Kautokeino kommune-skilt
    Foto: Johan Ánte Utsi / NRK
  • Artista mielas leat doalut dehálaččat

    Odne lágiduvvo «Sápmi på skeiva» doalut Hársttáin. Doaluid ulbmil lea loktet bonju fáttáid sámi servodagas ja lágiduvvo ge bonju kulturjagi oktavuođas.

    Artista Elle Maija Klefstad Bær muitala ahte sutnje leat dákkár doalut hui dehálaččat. Guldal olles jearahallama suinna Veaigesáddagis.

  • Cealká njeallje ukrainalaš guovllu Ruošša guovlun

    Ruošša presideanta Vladimir Putin čađahii bearjadaga áitagiid bákkuin lahttudit stuorra osiid Ukrainas. Stuorra seremoniijas Kremlas vuolláičálle njeallje dokumeantta main bákkuin lahttuda ukrainalaš guovlluid Donetsk, Luhansk, Kherson og Zaporizjzja. Ovddalgihtii lea Putin cealkán ahte buot njeallje okkuperejuvvon guovllut leat sorjjasmeahttumat.