Ájluovtan Divtasvuonan li oassásav stuoredime, ja Kim Atle Olsen, gut la jådediddje jáhkká dajna vuorpástuvvi. Olsen subtsas oassásav li stuoredime danen gå sihti ulmutjijt duosstot ådå oassásijn ja stuoráp valjudagáv. Ja ulmutja iesj aj lijkkuji dasi.
– Ulmutjij mielas la hávskke gå juoga dáhpáduvvá bájken, javllá Olsen, gut jådet oassásav Spar Drag.
- Lågå aj:
Stuor prosjækta
Sæmmi bále gå oassasav ådåstuhtti ja stuoredi de galggi aj bijllasaljov buoredit ja stuoredit.
– Dåssju oasesoasev galggap stuoredit, ja dasi sjaddá ådå tsiehkadus sulle 220 kvadratmehtera. Bijllasaljov buoredip, ja de oadtjop aj stuoráp sajev bijlajda.
– Galggabihtit gus vuobddet ietjá gálvojt gå juo vuobddebihtit?
– Ienemusát galggap vuobddet biebmojt ja dav majt juo adnep.
– Dahppabit gus oassásav madi barggabihtit?
– Ep. Galggap adnet rahppot ålles ájgev, ja gå ådå oasse l gárves de rahpap dav gasskoájggásattjat desik oabme oasse l ådåstuhtedum, ja de rahpap gájgga sæmmi bále.
- Lågå aj: