Almmuha ođđa singela
Ella Marie Hætta Isaksen čállá iežas Instagram-profiillas ahte son almmuha ođđa šuoŋa njukčamánu 8. beaivvi, man namma lea «Sániid».
Son čállá ahte lávlla lea dan birra go ii nagot gávdnat daid rievttes sániid jeđđet iežas unnaoappáža. Lávlla lea maid lohpádus oappáidis ja eará eamiálbmot oappáide ja vieljaide miehtá máilmmi, ahte son lohpida álohii doarrut dan ovddas mii lea vuoiggalaš.
Hætta Isaksen lea árabut dán jagi muitalan ahte su soloskearru almmuhuvvo geasset Riddu Riđđu-festiválas. Dá lea vuosttaš lávlla man son almmuha maŋŋá go loahpahii ovttasbarggu Isák-joavkkuin.