Aage Solbakk oažžu gonagasa ánsumedállja
80-jahkásaš deatnolaš lea eallinagi bargan ovddidan dihtii sámegiela, kultuvrra ja guovllu historjjá.
1974:s lei Solbakk mielde ásaheamen sámi girjelágádusa. Dan rájes lea son maid čállán sihke oahppogirjjiid, historjjá- ja sohkagirjjiid. Erenomážit lea son áŋgirit guorahallan luossabivddu miehtá Deanu, ja almmuhan sihke dutkamiid ja girjjiid dan birra.
Deanu sátnejođiheaddji Helga Pedersen geige otne Gonagasa ánsomedállja Fanasgiettis.