ČSV-lávlagiin nannejit iešdovdduset

ČSV-lávlagin sávvet sámenuorat nannet iešdovdduset ja beroštumiset politihkkii.

ČSV-gávnnadeapmi

Nuorat leat dán vahkkoloahpa bargan sihke teavsttain ja šuoŋain.

Foto: Jon Isak Lyngman Gælok / NRK

Ođđa ČSV- lávlagiin sávvet sámi nuorat boktit sámevuoiŋŋa ja dovdduid sámevuhtii nuoraid gaskkas.

Okta geas dát vuoigŋa lea badjánan lea 17-jahkásaš Anna-Katri Helanderis.

– Sávan lávlla movttidahttá sámenuoraid beroštišgoahtit politihkas. Norgga Sámiid Riikkasearvvi nuoraid deaivvadeami lea dollon Fállejogas Álttás dán vahkkoloahpa. Sullii 20 nuora oassálaste deaivvadeamis.

Musihkkár Max Mackè jođihii báji mas ođđa ČSV-lávlla ráhkaduvvui.

Lávlla lea sihke davve-, julev, ja máttasámegillii.