– Ságat lea ipmirdan boastut
Dat ii leat nugo Ságát aviisa čállá. Sámeálbmotbellodaga vuosttaš evttohas Ávjováris dán jagi sámediggeválggain, John Henrik Eira, ii oaivvil ahte dušše sii geat máhttet sámegiela galget beassat jienastit Norgga sámediggeválggain. Son dadjá NRK Sápmái ahte Ságát aviissa lea botnjan su sániid. Eira dadjá ahte ii ovtta ge olbmo sáhte bágget sámegiela hupmat, muhto sámegiella oahpahus dilálašvuođa ferte buoridit. Erenoamážit sámediggepolitihkkárat berreše árvvoštallat oahppat sámegiela, oaivvilda Eira.