NSR–lederen ber FeFo roe ned sin iver etter å tjene penger.
Ruvkefitnodat Blulake Minerals áigu oččodit Rönnbäcken nammasaš ruvkeprošeavtta strategalaš EU-prošeaktan.
Bluelake Mineralas leat golbma rogganlobi Dearna oarjjabealde. Fitnodat áigu bidjat eanemus návccaid roggat nickela- ja kobolta.
Goappaš ávdnasat geavahuvvojit batteriijaide ja minerálat leaba EU:a ođđa kritihkalaš ja strategalaš listtus,mii lea listtu masa EU lea bidjan minerálaid maid máilbmi boahtá dárbbašit olu boahtte áiggis.
Fitnodat árvvoštallá oaččut arvat jođáneappo áššemeannudeami jus prošeakta lea strategalaš EU-prošeakta.
Luonddugáhttensearvi Ruoŧas ballá dain ruvkkiin šaddet stuora váikkuhusat lundui. Nu čállá SVT Sápmi.
Olgoriika turisttat leat mátkkoštan Lappis olu vel juovllaid maŋŋel ge. Finavia loguid mielde Lappis, nugo Roavvenjárgga, Gihttela, Avvila ja Guossáma girdišiljuid bokte girde jagi vuosttaš mánuid birrasiid 700 000 turistta, mii lea 18% eanet go diibmá.
Mánáid- ja bearašministtar Kjersti Toppe ovdanbuvttii duorastaga mánáidsuodjalusa ođđa strategiijaplána.
Earret eará árvaluvvo gielddalaš ássandoaibmabijut institušuvnnaid alternatiivvain muhtun mánáide. Seammás eai galgga institušuvnnat ieža addit dearvvašvuođafágalaš divššu.
Ođastus fátmmasta danin maiddái dearvvašvuođasuorggi. Ođastus biddjo ovdán 2025 giđa.
