60-jahkásaš goddui Várggáin
60-jahkásaš goddui Várggáin.
60-jahkásaš dievdu jámii maŋŋel go čukkohalai niibbiin Várggáin ikte eahkes. Dievddu eamit lea áššáskuhtton roavva rumašvahágahttimis man čuovvumuš lea jápmin.
– Áššáskuhtton olmmoš lea addán álggolaš čilgehusa politiijaide, muhto mii eat háliit dál dadjat maid áššáskuhttonolmmoš lea čilgen. Doavttir lea dál dutkame su ja politiijat háliidit gažadit su eanet farggamusat, čállá politiija preassadieđáhusastis.
VG:a dieđuid mielde lea nissonolmmoš ovdal dubmehallon veahkaválddálašvuođa geažil dievddu vuostá.
Oapmahaččat leat dieđihuvvon.
Jápmán dievdu sirdojuvvui bearjadat eahkeda Hámmárfeastta buohccivissui ja lei gozui alde go ambulánsa ollii báikái. Lávvordatiđida duođaštedje su jápmán.