NRK Meny
Normal

60 biilla badjil geainnu

– Jos eai divoš geainnu farggamusat de soaitá muhtin vel duššat dien geainnus, ballá Kárášjohkalaš Erik Olsen, gean bargun lea biilagádjun.

Post trailer kjørt av veien
Foto: Sara Beate Eira / NRK

Olsen lea gaikon biilaid eret obbasis juo máŋgaloht jagi.

Muhto ii goassege ovdal leat vásihan ahte badjel vihtaloht biilla ja gávcci trailára leat vuodján badjel luotta ovtta dálvvis Kárášjoga ja Gievdneguoikka gaskkas

GULDAL:Heajos Riikkageaidnu 92

Buoredit geainnu

Mannan vahkku ođđasiin láite geavaheaddjit geainnu go dát lea beare heittot ja baski johtolaga hivvodaga ektui.

Ordfører Kjell Sæther
Foto: Eilif Aslaksen / NRK

Dál lea Kárášjoga sátnejođiheaddji bargagoahtán áššiin, ja lea sádden reivve njunuš politihkáriidda Norggas mas son gáibida ahte geaidnu buoriduvvo