16-jahkásaš gánda váldun gitta
Muhtin 16-jahkásaš gánda váldui gitta Hámmárfeasttas go vávje gándda hálddus lei hášša. Gánda dovddastii geavaheamis hášša ja politiijat gávdne vihtta grámma hášša. Gánda váldui gitta go ledje ožžon cavgilemiid.
Korte nyheter
-
Háliida skeŋket ruđa stohpoláigui oažžun dihtii olbmuid davás
Vuosttašamanueansa Erlend Bullvåg háliida earret eará unnidit vearu, eret váldet oahppoloana ja skeŋket ruđa stohpoláigui oažžun dihtii olbmuid fárret Davvi-Norgii.
Bullvåg lea Davvi Universitehta vuosttašamanueansa, ja lea okta daid dutkiin geat leat ráhkadan Business Index North raporta.
Daid áidna fylkkain gos diibmá lei veahkadatnjiedjan, ledje Norgga guokte davimus fylkka, Statistalaš guovddášdoaimmahaga dieđuid mielde. 2019:i golbma maŋimuš mánuid áigge manahii Nordlánda gávcci ássi beaivválaččat.
-
1800 skuvlla Ukrainas billašuvvan
1873 skuvlla ja mánáidgárddi leat billašuvvan ruošša bombbain ja rakeahtain, dadjá Ukraina presideanta Volodomyr Zelenskyj. Sihke vuođđoskuvllat, universitehtat, mánáidgárddit ja eará oahppobáikkit. 95 dáin leat oalát billašuvvan.
Zelenskyj lohpida ahte dát skuvllat galget ođđasit huksejuvvot, ja Portugála stáhtaministtar Antonio Costa fálai veahkki dan bargui go finai Zelenskyj guossis Kyiv:s lávvardaga.
-
