Korte nyheter

  • Thor Martin bisseha buot biillaid

    Norgga boles bisseha dál buot biillaid, mat bohtet Suomas, go ođđa ráddjehusat gáibidit riikaboahtinalmmuhusa, dieđiha Yle Sápmi. Norga lea mannan vahkus fas čavgen rádjerasttildannjuolggadusaid. Riikaboahtinalmmuhus registeren lea bákkolaš ja dan galgá dahkat golbma jándora ovdal go áigu rasttildit rájá Suomas Norgii. Dan lassin gáibiduvvo juogo negatiivvalaš koronateastaboađus dahje koronapássa. Dárkkisteamit bohte fápmui mannan bearjadaga. Biillat bissehuvvojit dál viššalit. – Mii Norgga politiijas leat dál ožžon dieđu, ahte mii galgat dál kontrolleret biillaid, mat bohtet Suomas Norgii, ja juohke biila kontrollerejuvvo dan dihte go mii galgat oaidnit, ahte buohkat leat čađahan dan registerema, muitala boles Thor Martin Balto.

     Thor Martin Balto
    Foto: Sara Kelemeny / Yle / Yle
  • Balto árvaluvvon Sáddehatráđđái

    Guovddášbellodat lea árvalan kárášjohkalačča Anne Toril Eriksen Baltto Sáddehatráđđái, ja leat maiddái árvalan Martin Søberga ja Jan Bøhlera.

    Stuorradiggi nammada logi lahttu Sáddehatráđđái, ja Guovddášbellodat beassá árvalit golbmasa. Ráđđehus nammada njeallje lahttu. Okta lahttu lea Sámi prográmmaráđi jođiheaddji. Ja nu šaddet de guokte sápmelačča Sáddehatráđis.

    Anne Toril Eriksen Balto
    Foto: Monica Falao Pettersen / NRK
  • 29 ođđa koronanjoammuma Budejjus

    Maŋimuš jándoris lea duođaštuvvon 29 ođđa koronanjoammuma Budejjus. 26 njoammuduvvon olbmos sáhttet guorrat gos njoammun lea vuolgán, ja golbmasis eai dieđe. Dat lea dat alimus lohku mii lea duođaštuvvon ovtta jándoris Budejjus. Nu muitala Budejju gieldda dearvvašvuođajođiheaddji Stian Wik Rasmussen.

    Bodø sett fra turisthytta
    Foto: Benjamin Fredriksen / Ola Helness / NRK