Desse skal kjempa om å bli «Superbonden»
Røynde bønder frå heile landet skal i haust konkurrera i alt frå traktorkøyring til salatdyrking i det nye tv-programmet «Superbonden». Her kan du møta deltakarane.
NRK sin nye konkurranse-reality «Superbonden» er i gang. Gjennom åtte episodar skal me følgja ti bønder frå heile landet i kampen om å bli den beste og mest allsidige bonden.
Nett-TV: Superbonden
Gjennom fleire konkurransar må dei visa at dei meistrar alt frå å manøvrera tunge maskinar, til å visa ferdigheiter i å handsama dyr. Deltakarane har vidt forskjellige bakgrunn, men har alle ein ting felles: Dei brenn for bondeyrket og dei er stolte over å vera med på å skaffa mat til bordet vårt kvar einaste dag.
Her er deltakarane:
Ragnvald Vaage (48)
- Frå: Sunde i Hordaland
- Type gard: Gartneri
- Tidlegare erfaring: Avløysar for mjølkebonde og dreiv tidlegare med storfe
- Hobbyar: Motorsykkel, Fotball, skog, ølbrygging og musikk
Magnus Grøtan Heggstad (33)
- Frå: Oppdal i Sør-Trøndelag
- Yrke: Bonde
- Type gard: Mjølkekyr og sau
- Tidlegare erfaring: Ku, sau og litt gris
- Hobbyar: Jakt og fiske, snikring og oppussing
Erik Kalstad (47)
- Frå: Meldal i Sør-Trøndelag
- Yrke: Bonde, deltidsbrannmann og dagleg leiar i Bygdeservice
- Type gard: Storfe og korn
- Tidlegare erfaring: Alt innan dyr og traktor
- Hobbyar: Skiskyting, fotball og traktor
Arne Martin Gomnæs (26)
- Frå: Skiptvet i Østfold
- Yrke: Sjølvstendig næringsdrivande med gravemaskinfirma
- Type gard: Har nett teke over familiegarden til sambuaren, planen er å driva med gras, korn og ammeku
- Tidlegare erfaring: Mjølkeproduksjon, kjøtfe, sau, korn og grasproduksjon
- Hobbyar: Maskinar, restaurering og planteproduksjon
Eline Røste Lunde (25)
- Frå: Skiptvet i Østfold
- Type gard: Hest, gris og høns
- Tidlegare erfaring: Gjekk på hest- og hovslagarlinje på vidaregåande skule
- Hobbyar: Hest og handball
Nils Ørjan Hamre (19)
- Frå: Hovsherad i Rogaland
- Yrke: Agronom med eige føretak for saueklipping og maskinkøyring
- Type gard: Storfe, sau og høns som produserer 1500 rugeegg per dag
- Tidlegare erfaring: Har vore med i fjøset sidan han hang i beremeisen som liten
- Hobbyar: Nestleiar i Dalane Young Farmers, jakt og saueklipping
Hanne Veikåker (45)
- Frå: Noresund i Buskerud
- Yrke: Bonde
- Type gard: Høglandsfe, skogsgris, hestar og høner
- Tidlegare erfaring: Blomedekoratør og militæret
- Hobbyar: Hest, elghundar, elgjakt og vinimport
Lisbeth Løken Magerøy (51)
- Frå: Farstad i Møre og Romsdal
- Yrke: Bonde og heimesjukepleiar
- Type gard: Storfe, fjørkre og gras
- Tidlegare erfaring: Har drive gard saman med mannen sidan 1990
- Hobbyar: Handball, strikking, sykling, fjellvandring og motorsykkelturar
May Britt Lode (38)
- Frå: Nærbø i Rogaland
- Yrke: Bonde
- Type gard: Gris, mjølk og produksjon av storfekjøt i samdrift
- Tidlegare erfaring: Storfe og gris
- Hobbyar: Hund, trening, friluft og sosialt lag
Anne-Rebekka Kulseng-Hansen (25)
- Frå: Harstad i Troms
- Yrke: Ridelærar og bonde
- Type gard: Mjølk og hest.
- Tidlegare erfaring: Oppvaksen på mjølkebruk med 20 kyr
- Hobbyar: Sprangriding og dressur