Haiti har fått ny president
Overgangsregjeringa i Haiti har peika ut den tidlegare senatsleiaren Edgar Leblanc som ny president, melder Reuters.
Haiti har vore utan president etter at den førre, Jovenel Moïse, blei drepen i juli 2021.
Fritz Belizaire er valt som ny statsminister, og avløyser Ariel Henry som trekte seg i mars.
Kriminelle bandar har teke kontroll over store delar av landet. Over 2500 menneske er drepne eller såra i gjengrelatert vald i Haiti dei tre første månadane i år, ifølge ein FN-rapport.