Fabrikkar, verkstader og entreprenørar i Årdal

Sjå også:
· Industribygginga i Årdal

Årdal Koparverk

År 1700 kom to Årdalsbønder på reinsjakt over ei koparåre i det 1500 meter høge Grøndalsfjellet nord for Øvre Årdal. Dette skulle bli starten på ei stor bergverksdrift som varte i 62 år.

Steinindustrien i Ytre Ofredal

Kristian Offerdal f. 1873 frå Feios kom til Årdal i 1909 og starta landhandel i Øvre. I 1911 startar han steinbrot og steinhoggeri på granittførekomstane i Ytre Ofredal.

Hestetun Snekkarverkstad

vart skipa ca. 1930 av Søverin Hestetun, som på det meste hadde kring 5 mann i arbeid i møbelfabrikken. I 1950 overtok sonen Håkon, og verksemda vart driven til 2000 av sonen hans; Svein Erik.

Årdal Bilverksted A/S

på Årdalstangen vart skipa i 1945 av Sigurd Dahl Berge, og dreiv også bensinstasjon og sports- og jernvareforretning. Berge starta i 1956 også maskinentreprenørforretning på Årdalstangen. Sonen Olav vart medeigar i 1988, då firmaet endra namn til Berge Dahl AS. Verksemda har i 2001 10 tilsette og ei omsetning på 12 millionar kroner.

Årdal og Sunndal Verk (ÅSV)

vart skipa 27. juni 1946. Fusjonert ned Hydro i 1986.

Indre Sogn Cementfabrikk

på Årdalstangen vart starta i 1947 av Sjur og Sigmund Lægreid og Sigurd Asperheim. Fabrikken laga sementstein og -rør, og dreiv i omlag 10 år med 5 tilsette.

Olav O. Hæreid & Sønn AS

maskinentreprenør vart skipa av Olav Hæreid i 1952. Verksemda har 8 mann i arbeid.

Kleiven Sogn AS

på Årdalstangen, er eitt av dei største entreprenørselskapa i Sogn og Fjordane.

Årdal Stålindustri AS

vart starta i 1974 i Øvre Årdal av Kristian Øvstetun m.fl. Verksemda produserer m.a. stålkontruksjonar til aluminiumsverket og bygningsbransjen i Sogn. Produksjonshallen på Ve er på 2800 kvm., og i 2000 hadde verksemda 40 tilsette og ei omsetning på 25 millionar kroner.

Årdal Prosjektutvikling

vart skipa som næringsutviklingsselskap i 1985. Selskapet er organisert som stifting, med kommunen, verket, lokale bankar og næringssamskipnaden som interessentar.

Hydro

I Årdal har Norsk Hydro spela ein rolle – både på godt og vondt – heilt sidan tidleg på 1900-talet, og dominerer industrien i Sogn med aluminiumverka sine i Årdal og Høyanger.

Hydro Aluminium AS, Årdal Metallverk - AAM

– sjå Hydro, og eigen samleartikkel om aluminiumsfabrikken og industrihistoria under ”Historie”.

Årdal Carbon – AAK

– sjå Hydro.

Teknologisenter Årdal - ATA

– sjå Hydro.

Hydro Energi Tyin Kraftverk

– sjå Hydro.

Hydro Production Partner m.m.

Norsk Hydro overtok Årdal og Sunndal Verk (ÅSV) i 1986.

Årdal Plast AS

i Utladalen vart starta i 1987 av Bjarne Rasmussen. Han driv verksemda saman med sonen Jan, og Magnar Valsvik. Dei heldt først til i ein nedlagd kraftstasjon, flytta deretter til eige bygg i 1990 og overtok eit kommunalt industrihus i 1994. Glasfiberprodukta omfattar m.a. sanitærutstyr for bad og benkeplater. Årdal Plast hadde i 2000 22 tilsette og ei omsetning på 14 millionar kroner.

Sunde Gjenvinning AS

vart starta i 1990 i Øvre Årdal av Jens Vidar Sunde. Verksemda tek imot produksjonsavfall og anna avfall frå heile Indre Sogn, hadde i 2001 14 tilsette og ei omsetning på 16 millionar kroner.

HMR Årdal

er ei dotterbedrift av HMR Group på Husnes, og driv med reparasjon og vedlikehald av straumførande detaljar til norske aluminiumsverk. HMR overtok saman med ei anna verksemd det konkursråka Årdal Mekaniske (starta av Bjarne Torvund) i 1990. Sidan 1997 har HMR vore eineeigar av verksemda, som i 2001 har 40 tilsette og ei omsetning på 50 millionar kroner.

Teigen Industriteknikk AS

i Øvre Årdal vart skipa i 2001 av Roy Kenneth Teigen med fleire.

Dooria Årdal AS

vart skipa i 2006 som eit dotterselskap av Dooria-konsernet som har hovudsete i Utvik. – Sjå Fjordtre Produkter.

Norsun AS

vedtok i 2006 å byggje fabrikk på Årdalstangen for produksjon av komponentar til solcellepanel.

Hovedside:
· Industri og næring i Årdal