Leiaren for den religiøse leksmannsrørsla,
Hans Nielsen Hauge frå Østfold var ein dugande forretningsmann. I Bergen kom han i 1798 i kontakt med regimentsmed
Erik Larsson Svorstøl frå Naustdal. Svorstøl fekk Hans Nielsen Hauge til å reise til Sunnfjord. Forkynnarferda førde til ei sterk vekkjing i bygdene langs heile Førdefjorden.
Hauge-venen
Ole Torjusson frå Hallingdal fekk med Hauge si hjelp kjøpt den gamle herregarden på Svanøy i 1804, og tok familienamnet Svanøe. Her samla han ein stor haugianarflokk kring seg. Dei arbeidde på garden og dei ulike verksemdene som den driftige Ole Torjusson Svanøe bygde opp.
Ein av tenarane på Svanøy var
Erik Olsson Gjellaker, som også kom frå Hallingdal. Han reiste som emissær over heile landet, og etter ei kort tid som eigar av garden Mjelva i Romsdalen, kjøpte han Tingneset i Vevring og slo seg til der. Eriks son Ola vart også ein sentral haugianar. I 1804 tok Bertel Nilsson Ullaland og
Malina Hamra til å reise som emissærar for rørsla.