Dette skjedde natt til 2. mars

Kraftig smittehopp: 729 nye smitta i Noreg

Det siste døgnet er det registrert 729 nye koronatilfelle i Noreg. Det er 549 fleire enn dagen før og 503 fleire enn same dag i førre veka. Det daglege smittetalet har ikkje vore så høgt sidan 7. januar, viser Folkehelseinstituttet sin oversikt.

Ved midnatt var det registrert i alt 71.735 smittetilfelle her i landet. Sidan mars er 623 koronasmitta personar døde.

I Oslo er det registrert 137 nye smitta siste døgn. Det er 22 fleire enn dagen før, men 27 færre enn snittet den siste veka. Stovner bydel har det høgaste smittetrykket.

• Kraftig smittehopp: 729 nye koronasmitta siste døgn

Gjer det vanskelegare å stemme i Georgia

I den amerikanske delstaten Georgia fekk republikanske politikarar måndag vedteke ei ny lov som avgrensar tilgangen til å stemme i val. Lova vart vedteken med 97 mot dei 72 stemmene til demokratane i underhuset i delstaten. Lova går no til senatet i delstaten til vidare debatt.

Lova krev mellom anna foto-id for å levere førehandsstemme, ho forkortar tida ein har til å be om stemmesetel til poststemming, avgrensar opningstider og stadar der mottaksboksar for førehandsstemmer kan bli plasserte, og stansar førehandsstemning tidleg om morgonen i helgane.

• Republikanarar i Georgia med lov som avgrensar retten til å stemme

Zuccarello kåra til vekas spelar i NHL

Den norske ishockeyspelaren Mats Zuccarello er kåra til vekas spelar av den amerikanske ishockeyligaen NHL sin spelarorganisasjon etter to mål og seks målgivande pasningar førre veka.

Mats Zuccarello kasta ikkje bort tida då han igjen var å sjå i lagoppstillinga til Minnesota Wild, noterer NHLPA i kåringa. Nordmannen mista starten av sesongen på grunn av skade i handleddet, men han har vore suveren etter skadeavbrekket.