Boikottar viktig møte
Russlands utanriksminister Sergej Lavrov har sagt at han vil delta på eit OSSE-møte denne veka. Det får Ukraina og dei baltiske landa til å boikotte møtet.
OSSE er samarbeidsorganisasjonen for tryggleik og samarbeid i Europa.
Ukrainas utanriksminister Dmytro Kuleba vil boikotte ministermøtet i OSSE på grunn av avgjerda om å la Lavrov delta, seier talspersonen hans Oleh Nikolenko til AFP.
Ministerrådet i Organisasjonen for tryggleik og samarbeid i Europa (OSSE) startar i Skopje i Nord-Makedonia torsdag. Lavrov er invitert, og har sagt at han vil delta.
Dei baltiske landa Estland, Litauen og Latvia seier også at dei ikkje vil delta på OSSE-møtet på grunn av invitasjonen til Lavrov.
(NTB)
