Statsadvokaten legg bort sakene mot politikarane i pendlarbustad-sakene

– Vi har vedteke å leggje bort alle sakene, seier Statsadvokat Aud Kinsarvik Gravås ved Oslo statsadvokatembete til NRK.

Ho forklarar at dei la bort sakene fordi dei ikkje har funne bevis på at det har skjedd noko straffbart eller brot på bedrageriregelen.

– Vi kan ikkje sjå at nokon av representantane som har vore under etterforsking har fått ei uretteleg vinning, altså har fått noko dei ikkje har rett til.

Sidan november i fjor har politiet etterforska om politikarane har gjort seg skuldig i bedrageri eller anna lovbrot i samband med å ha motteken pendlarleilegheit frå Stortinget.

Strafferamma er bot eller fengsel i inntil seks år.

I meldinga som NRK har fått tilgang til skriv statsadvokaten at det «ikkje på noko tidspunkt i den perioden etterforskinga gjeld, har det komme fram av ordlyden til retningslinjene at stortingsrepresentantar som eig eller disponerer bustad innanfor 40 kilometer frå Stortinget ikkje har rett til pendlarbustad».

Ifølge Granås må ein med vite og vilje ha gjort noe for å få noe du ikkje har rett til, for å dømas for bedrageri. Det meine påtalemakta at politikarane ikkje har gjort.

Det var Aftenposten som melde saka først.

Les også Hansen: – Jeg følte meg tvunget

– Krevjande tid

Granås ønskjer ikkje å svare på kven og kor mange som politiet har etterforska i saka, og viser til teieplikta.

– Fordi saka har vore gjenstand for stor mediemerksemd, opplyser vi heller ikkje kor mange det gjeld, fordi dei som har hatt status som mistenkt då relativt lett kan identifiserast, skriv ho til NRK.

I ein e-post til NRK seier Stortingspresident Masud Gharahkhani at det er godt beskjeden kom før jul.

– Eg tek bortlegginga til etterretning og er glad for at politiet har konkludert. For dei det gjeld er det godt at denne beskjeden kjem før jul.

Etter at statsadvokaten bad politiet starte etterforsking i november i fjor, kom meldinga om at dåverande stortingspresident Eva Kristin Hansen gjekk av.

I dag har også politiet lagt bort etterforskinga av Hansen.

Ho måtte gå av som stortingspresident etter kritiske saker om pendlarbustadbruken hennar. Saka er no lagd bort som då dei ikkje fann bevis for straffbare forhold.

Politikaren seier det har vore ei krevjande tid.

– Eg har i over eitt år vore under eit konstant press om Stortingets ordningar, vorte skulda for mykje og har tidvis hatt ein mediestorm som har vore svært krevjande, seier Hansen til NTB.

– Fleire medium har hatt feilaktige oppslag om meg, som eg meiner bør følgjast opp, seier den tidlegare stortingspresidenten.

Les også Trond Giske har fått skattesmell på mer enn 260.000 kroner

Uheldig for demokratiet

Hansens advokat John Christian Elden skriv i ei pressemelding at Hansen nå er frifunne.

– Dette er ei heilt klar frifinning av Hansen, der statsadvokaten både legg til grunn at ho har følgt regelverket slik det måtte forståast og i samsvar med mi oppfatning då ho vart tvinga til å trekkje seg som Stortingspresident i fjor.

Han skriv at bortlegginga kjem eitt år for seint, fordi saka har vore heilt avgjerande for Stortingets samansetning og arbeidsform. Det meiner han er uheldig for demokratiet.

– Eva Kristin Hansen er svært letta over at det no er fastslått at ho aldri har kravd eller fått gode frå Stortinget som ho ikkje hadde krav på, og at straffesaka mot henne no er avslutta som ingen straffbart forhold, seier Elden.

Skatteetaten vedtok i oktober at 28 politikarar måtte etterbetale skatt. 10 fekk tilleggsskatt på toppen. Berre et fåtal har valt å stå fram.