NRK Meny
Normal

– Minner om koloniseringa av Afrika

KrF-leiar Dagfinn Høybråten meiner at å opne for tvangssamanslåing av kommunar, er gammaldags sentralisme.

Dagfinn Høybråten
Foto: Andersen, Aleksander / Scanpix

Høybråten meiner det er god grunn for fleire kommunar til å vurdere å slå seg saman, og nemner at omsynet til kvaliteten i tenestetilbodet og ei betre samordning av transport, bustad- og arealpolitikken er viktige i denne samanhengen.

– Men å tenkje at ein kan leggje heile Noreg på teiknebrettet i Oslo, og dele det inn på ny, minner om måten kolonimaktene delte Afrika i førre århundre, seier Høybråten.

– Typisk Ap-tenking

Reaksjonen mot Arbeiderpartiet kjem etter at nestleiar i partiet, Helga Pedersen, tidlegare i dag føreslo å få fart på kommunesamanslåinga ved å sette ein sentral kommisjon til å teikne Noregs-kartet på nytt.

– Det er typisk Arbeiderpartiet å tenkje at ein kan teikne eit nytt kart over Noreg med nye kommunegrenser på Youngstorget. Dette er gamaldags sentralisme som Noreg forlet på 60-talet, seier Høybråten.

Kraftigare gulrøter

Høybråten meiner dette er ein forelda tankegang, og at det ville vore betre å gi betre lokkemiddel til kommunane for å få dei til å slå seg saman frivilleg.

– Gi heller langt kraftigare gulrøter til dei kommunane som gjer dette, seier han.

KrF-leiaren meiner reknestykket for kommunane som vurderer samanslåing fort gir negativ eller liten gevinst, og at det då for mange kommunar ikkje er bryet verd.

Laster innhold, vennligst vent..
Laster innhold, vennligst vent..

SISTE NYTT

Siste meldinger