Ulykke om bord i «Nordstar»

Hopp til innhold

Ulykke om bord i «Nordstar»

8. februar 2021 kl. 18:50
Frifinning blir ståande

Anken til påtalemakta etter dødsulukka om bord på trålaren «Nordstar» er avvist, melder nett.no (krev innlogging). Reiarlaget Nordnes AS vart frifunnen i lagmannsretten for brot på skipssikkerheitslova etter ei dødsulykke om bord i skipet i juni 2018. Reiarlaget fekk ei bot etter ulykka, men nekta å godta den.
Ulykke om bord i «Nordstar»

30. oktober 2020 kl. 14:02
Frifunnen i lagmannsretten

Reiarlaget Nordnes AS opplyser at dei har blitt frifunnen i lagmannsretten for brot på skipssikkerheitslova etter ei dødsulykke om bord i skipet «Nordstar» i juni 2018. Reiarlaget fekk ei bot etter ulykka, men nekta å godta den. Dermed hamna saka i tingretten i januar i år, der bota blei redusert. No har dommen ifølge selskapet blitt behandla av lagmannsretten.
Ulykke om bord i «Nordstar»

27. mars 2020 kl. 09:47
Omkom som følge av gass

Havarikommisjonen meiner det utvikla seg metangass og hydrogensulfidgass då ein mann frå Latvia omkom om bord på trålaren «Nordstar» frå Giske i juni 2018. Gassane oppstod i samband med forråtninga av fiskeavfall. Kommisjonen sine undersøkingar har vist at dette ikkje var identifisert som ein fare i tryggingssystemet i reiarlaget, og heller ikkje påpeikt av Sjøfartsdirektoratet.
Ulykke om bord i «Nordstar»

7. februar 2020 kl. 13:59
Må betale bot etter dødsfall

Reiarlaget Nordnes AS er dømd å betale ei bot på 700 000 kroner, etter eit dødsfall om bord på trålaren «Nordstar» i juni 2018, det melder Sunnmørsposten. Reiarlaget må også betale 375 000 i oppreising til familien til den omkomne mannen.
Ulykke om bord i «Nordstar»

18. oktober 2019 kl. 16:20
Blir rettssak

Reiarlaget Nordnes frå Valderøya nektar å godta føretaksstraffa dei har fått på 2 millionar kroner etter at ein arbeidar omkom på trålaren «Nordstar». Dermed blir det rettsak i januar, skriv Sunnmørsposten.