Han heiter eigentleg Andreas Kleven Rasmussen, og studerer jus i Bergen.
I april blei han derimot – lett uventa – kåra til «Vekas Urørt». «Pandreas», som er artistnamnet til Andreas, hadde litt ut av det blåt meldt seg inn på NRK P3 sine Urørtsider.
- LES OGSÅ:
– Eg prøver og kombinere popmelodiar og eit litt draumepopaktig sound med ukompliserte, programmerte trommemønster. Forhåpentlegvis blir resultatet dansbart, sa 21-åringen frå Ulsteinvik då han blei kåra til «Vekas Urørt».
– Samling av nye og gamle songar
I juli var artisten éin av 10 artistar, blant mange hundre, som fekk spele på Slottsfjell i Tønsberg.
Slik ser coveret til electronica-EP-en ut.
Foto: Jarle Hovda MoeDen 8. oktober lanserer han altså debut-EP-en – som er sjølvtittulert og heiter «Pandreas»
– Det er ei samling av nye og gamle songar. Dei gamle har ligge ute på nettet ei stund, men eg har miksa dei på nytt og sendt dei til mastering.
– Så sånn sett er alt nytt, fortel Kleven Rasmussen. Han fekk hjelp av Njål Paulsberg (Young Dreams, Put Your Hands Up For Neo Tokyo) med miksejobben.
Ulsteinvikaren fortel at EP-en gjerne skulle blitt utgjeven tidlegare.
– Men slik blei det ikkje. Eg har eigentleg meir musikk eg òg skulle gjeve ut, men det får bli til seinare.
Har fått mange spelejobbar
Som følgje av Urørt-merksemda, samt spelejobb på Slottsfjell, har 21-åringen fått mange spelejobbar i sommar og i haust.
– Det har vore kjempemoro. Vidare no har eg litt planar for korleis eg skal utvikle liveoppsettet. Eg vil gjere det meir spennande.
– Kanskje eg skal rekruttere eit slags band?, seier Pandreas.
21-åringen frå Ulsteinvik på Sunnmøre har derimot studiar å tenkje på òg.
– Men eg håper å få god tid til å lage meir musikk i haust. Eg vil ikkje bli sitjande på lesesalen heile dagen, avsluttar ulsteinvikaren.
EP-en kjem ut 8. oktober. Den blir tilgjengeleg via iTunes og diverse nettbutikkar, samt gjennom Spotify og WiMP. I augneblinken ligg låta «Sirkel(Sag)» tilgjengeleg på Spotify. Meir av musikken kan ein høyre via nettstaden SoundCloud.
Artisten lanserer EP-en etter ein sommar og september med spelejobbar.
Foto: Jarle Hovda Moe
