Politiet opplyser at den tyske turisten som sat fast på fjellet Vardegga i Eidsdal, er frakta ned. Mannen skal vere kald, men i fin form. Han fekk hjelp av den alpine redningsgruppa for å ta seg ned frå det 1453 meter høge fjellet.
Sunnmøre Alpine Redningsgruppe er klar til å dra til Eidsdal for å hjelpe til med å få ein tysk turist ut frå det 1453 meter høye fjellet Vardegga i Eidsdal. Mannen er uskadd.
– Mannen er knappe 40 år, og har rett og slett gått seg skorfast i fjellet. Han kjem seg verken opp eller ned, og difor må vi hjelpe han ut, seier operasjonsleiar Jon Kåre Flo hos politiet.
Den alpine redningsgruppa blir no henta i Ålesund av Sea King- helikopteret som er med i aksjonen.
– Det er skodde på toppen av Vardefjellet, og når det i tillegg er mykje stein og laust fjell i området, kan helikopteret ikkje lande i nærleiken av mannen, seier Flo. I staden vil dei så snart som råd fire ned klatrarar frå den alpine redningsgruppa, slik at dei kan løfte mannen ut av området, inn i helikopteret og ut av fjellet. Røde Kors Hjelpekorps er også på staden for kunne assistere om det blir behov, fortel Jon Kåre Flo.
Sunnmøre Alpine Fjellredningsgruppe avdeling Ålesund bistår Sea King redningshelikopter med å hente ut en tysk turist som har gått seg fast i fjellet Vardegga i Eidsdal i Geiranger, melder politiet i Møre og Romsdal.
Sea King-helikopteret som er med i redningsaksjonen for å få ned ein tysk turist som har gått seg fast på Vardegga i Eidsdal, melder at dei har observert turisten. Politiet melder at helikopteret no førebur seg på hente ut turisten. Også Røde Kors Hjelpekorps er med i aksjonen i Eidsdal.