Turbinar tek ørn

Farleg flukt

Dei som har studert ørn i flukt har funne ut at luftens konge ikkje bryr seg om vindturbinar. Og nettopp der ligger faren for den freda fuglen.

Utan frykt for rotorblada blir dei lett eit offer.
Flukta mellom rotorblada blir ein leik med døden uten at ørna er klar over det.

Adferden er den samme no som før det blei sett igang vindkraftproduksjon på øya, og flukten er den samme mellom vindturbinane som utanfor det utbygde området.

Deler av ørnebestanden i øykommunen Smøla på Nordmøre er tatt av vindturbinar i løpet av dei siste fire åra. Øya har verdens tettaste forekomst av ørn, og no er 23 ørner drept av dei store og tunge turbinblada.

Vanskeleg å finne løysingar

Dei som har studert fluktmønstera vil prøve å finne ut om det er mogleg å gjere rotorblada meir synlege for fuglen. Men det som ville vere det beste tiltaket, ville vere å plassere vindturbinane i område der det ikkje er ørn.

Det seier prosjektleiar Kjetil Bevanger i Norsk Institutt for Naturforsking.
For Smøla sin del er dette for seint.

- Ørna ensar ikkje faren

Leiar i Norsk ornitologisk forening, Alv Ottar Folkestad seier det ikkje er mogleg å hindre ørn i å bli tatt av rotorblada. Han seier at ørna har langt betre syn enn menneske og ser utan tvil dei store konstruksjonane. Det er ikkje der faren ligg. Saka er at ørn ikkje er van med å ha fiendar i lufta og dermed ikkje ensar faren som trugar.

Denne videoen er dessverre ikke tilgjengelig. Kontakt oss dersom du har spørsmål.

Sjå ørna i farleg flukt mellom turbinane

Denne videoen er dessverre ikke tilgjengelig. Kontakt oss dersom du har spørsmål.