Prideflagget ved Latinskolen i Ålesund fekk ikkje henge i fred meir enn nokre timar. Måndag kveld rykte politiet ut etter melding om at skulen sitt store prideflagg er funne tilgrisa på bakken.
Tidlegare på dagen blei det heist i den store flaggstanga framfor skulen, i samband med pridemarkeringa i Ålesund dei neste to vekene.
Rektor Ole Reinlund synest saka er trist og lei.
Foto: Remi Sagen / NRK– Det er berre trist. Og så ønskjer eg ikkje at dei som står bak få meir merksemd enn det dei allereie har fått, seier rektor Ole Reinlund.
Dermed sto flaggstanga utanfor Latinskolen måndag kveld tom igjen, og flaggtaua vaia fritt i vinden.
Flaggstanga ved Latinskolen i Ålesund måndag kveld.
Foto: Nils-Atle Sundnes / NRK
Startar etterforsking
Det var skulen sjølv som varsla politiet. Politiet vil no starte etterforsking av saka.
– Vi fekk melding om at flagget var fira og at det lagt mykje søppel oppå det. Mellom anna var det rømme som var helt utover, og litt anna, meinte dei som fann det, seier operasjonsleiar Tove Holst-Dyrnes ved Møre og Romsdal politidistrikt måndag kveld.
Operasjonsleiar Tove Holst-Dyrnes ved Møre og Romsdal politidistrikt seier dei opprettar ei sak på forholdet.
Foto: Casper Kanestrøm / PolitietDebatt om flagging i Ålesund
Det har vore stor debatt rundt prideflagginga i Ålesund etter at kommunen først ville nekte skulane å flagge.
I ettertid har kommunen snudd, og ei rekkje skular har varsla at dei vil heise det omstridde flagget.
Ålesund vidaregåande flaggar ved alle dei tre avdelingane sine i Ålesund.
Latinskolen i Ålesund. Flaggstanga er tom.
Foto: Nils-Atle Sundnes / NRKMistenkjer ikkje eigne elevar
Det er elevar frå Ålesund vidaregåande som tek idrettsfag og påbygg som no held til på skulen. Det skal ikkje vere mistanke om at noko av dei står bak.
– Sansynlegheita for at det er nokon utanfor skulen er stor, vi har ikkje mistanke mot våre eigne elevar, seier rektor Ole Reinlund.
Han seier dei no vil sjå om dei kan finne eit nytt flagg å henge opp.
Prideflagginga har ført til skarpe diskusjonar i Ålesund i sommar.
Foto: Øyvind Sandnes / NRK