I ettermiddag hadde kriseleinga i kommunen møte saman med Vegvesenet og NVE der det vart gjort ei lokal vurdering.
– Ein del skular vert truleg stengde også i morgon. Vi veit ikkje kva for skular det blir endå, men vi skal ha klar ei endeleg vurdering i morgon klokka sju, seier ordførar Ståle Refsti.
Informasjon om kva for skular som blir stengde kjem på kommunen sine heimesider og i lokalpressa.
Sunndal kommune bestemte i dag tidleg å stenge alle skulane på grunn av skred og skredfare, noko som gjorde at 1300 elevar var heime.
Les også:
Stengde idrettshall
Skred og skredfaren gjorde at kommunen fekk store utfordringar.
– I heimetenesta måtte vi gjere store endringar alt etter kvar personalet var. Vi har også stengd kulturskular, idrettsanlegg og symjehall på grunn av rasfare på dei aktuelle stadene, seier Refsti.
