Pilotprosjektet med programmering som valfag startar skuleåret 2016–2017. I landet er det 146 skular som skal ha dette tilbodet, og fem av skulane er i Møre og Romsdal.
Det er elevar ved Surnadal ungdomsskule, Ulstein ungdomsskule, Rindal skole, Skodje ungdomsskule og Sula ungdomsskule som får dette valet her i fylket. Prosjektet varer til og med skuleåret 2018–2019.
Tidleg innføring
– Programmering blir stadig viktigare å kunne, og no legg vi til rette for at fleire kan lære å kode allereie på ungdomsskulen, seier kunnskapsminister Torbjørn Røe Isaksen.
Ifølge statsråden har det vore stor interesse frå både skular og lærarar om å få bli med i ordninga.
I det nye valfaget skal elevane mellom anna lære korleis datamaskiner og ulike dataprogram fungerer. Dei skal og få opplæring i programmeringsspråk og deira bruksområda.
Mellom anna kan elevane få i oppgåve å programmere eigenutvikla robotar, og å lage enkle dataprogram eller animasjon.
Røe Isaksen seier at faga skal bli meir relevante og motiverande når dei no tar koding, spelprogrammering og 3D-design inn i skulen.