Sissel sang i Tomrefjord

Med Ja, vi elsker og Å Vestland, Vestland tok Sissel Kyrkjebø Tomrefjord med storm.

Sangstjerna var hyra inn til å opptre under dåpsseremonien til eit nytt skip frå STX OSV Langsten.

Kyrkjebø sang frå eit podium høgt oppe, så det runga ut over heile hallen ved hjørnesteinsbedrifta i Tomrefjord.

Skipet som vart døypt går til eit japansk reiarlag. KL Saltfjord er verdas kraftigaste ankerhandteringsfartøy med ei trekkraft på 397 tonn. Skipet skal operere i Nordsjøen.

Fleire hundre industriarbeidarar og inviterte gjestar sette pris på å få oppleve Sissel Kyrkjebø synge den norske og den vestlandske nasjonalsangen.

Det var ein kort opptreden. Sissel kom, sang og forsvann.