Satsar i Vestnes
Bauta Group kjøper 10.000 kvadratmeter med uteareal frå Molde og Romsdal hamn og bygningsmasse på 3.620 kvadrat på Skorgeneset i Vestnes. Dette vil føre til rundt 15–20 arbeidsplassar.
Dotterselskapet Bauta Property blir eigar av eigedomen.
Dette inneber nye arbeidsplassar og ny verksemd for import og bearbeiding av stål, aluminium og rustfritt material for eige bruk og vidaresal, melder selskapet.
Første stålleveranse kjem til Skorgeneset i midten av juli og produksjonen skal vere i full drift i løpet av første kvartal 2025.
