Nye varmerekordar
I går blei det ein endå ein varm dag på Sunndalsøra i Sunndal.
– I går blei det målt 28,1 grader, noko som var ei tangering av mairekorden i Sunndalsøra, seier Julie Solsvik Vågane, vakthavande meteorolog ved Meteorologisk institutt.
I tillegg blei det sett ny rekord ved Svinøy fyr. Der blei det meldt 24 grader.
I dag vil det bli litt lågare temperaturar i Møre og Romsdal på grunn av skydekke, men det kan framleis ventast høge temperaturar over heile fylket.
– Møre og Romsdal og Trøndelag får dei høgaste temperaturane i dag med rundt 28 grader på det varmaste. Så det er nokre stadar at varmen held fram. Og det er framleis varmt til å vere mai, seier ho.
Det er også venta at temperaturane vil stige igjen i helga.