Martin Linge-huset blir høgtideleg opna i Valldal laurdag.
– Det har blitt eit flott hus med rom for mange aktivitetar, seier ordføraren i Norddal, Arne Sandnes, til NRK.
Huset er oppkalla etter Martin Linge, som vaks opp på Linge i Valldal. Der budde han til han var åtte år.
Han var leiar for Kompani Linge. Han leia den norske avdelinga under Måløyraidet tredje juledag 1941. Som 47-åring vart han skoten og drepen på trappa til Ulvesund Hotell i Måløy.
Martin Linge var leiar for Kompani Linge, og får no eit hus oppkalla etter seg.
Foto: ScanpixLaurdag er det offisiell opning. Det blir avduking av eit relieff, som etter kvart skal hengast opp på utsida av bygget.
Barnebarn blir med
Krigsveteran Joachim Rønneberg deltar. Det same gjer etterkomarar av Martin Linge. Ei av dei er Martine Linge, barnebarn av kaptein Linge.
Valldal Hornmusiklag skal spele Martin Linge-marsjen. Det blir parade med lag og organisasjonar frå Norddal kommune. Lokalhistorikar Terje Sølvberg skal halde eit foredrag om Martin Linge.
