NRK Meny
Normal

Mistenker at brann var påsett

Politiet mistenker at brannen i den gamle fylkesskulen i Vestnes i helga var påsett.

Brann Vestnes

Gamle Romsdal fylkesskule frå 1910 i Vestnes brann ned til grunnen i Vestnes laurdag morgon.

Foto: Kristian Kleiven

Det skriv Vestnesavisa.

– Sidan huset ikkje var kopla til straum, så må brannen ha oppstått på anna vis. Vi har tre unge personar i kikkerten som vi ønskjer å prate meir med. Men vi kan ikkje seie noko om brannen vart starta med overlegg eller ved eit uhell. Det står att å finne ut av, seier lensmann Jan Magnar Sandvik til Vestnesavisa.

Det er vitneobservasjonar, og tips til politiet i etterkant som har ført dei mot desse tre personane.

Brann ned til grunnen

Brannen i den gamle Romsdal fylkesskulen blei meld like før klokka 06 laurdag morgon. Ingen budde i bygninga som låg like ved Vestnes sentrum.

Brannvesenet kom raskt til staden, men bygninga blei fort overtent og stod ikkje til å redde.

Bygninga har stått tomt i mange år, men det er eit viktig kulturminne med skolehistorisk verdi, sa kulturhistorier Anne- Marie Førde til NRK i helga.

– Det finst mange flotte skulebygg, men isolert sett for Vestnes kommune så hadde dette historisk verdi, og det er veldig trist at det har gått tapt.