I eit brev sendt til olje- og energiminister Terje Riis-Johansen (Sp) krev fylkesrådet handling frå staten slik at straumprisane i regionen vert heldt på same nivå som resten av landet.
Vil tilføre redionen meir straum
Dei ser blant anna for seg ei løysing der ein tilfører regionen meir straum ved å starte dei mobile gasskraftverka som er plassert på Aukra og Tjeldbergodden.
- Staten må om naudsynt starte dei mobile gasskraftverka på Nordvestlandet for å halde straumprisen i Midt-Noreg på nivå med resten av landet. Dersom det ikkje er vilje til det, må ein sette inn ein massiv innsats for energiøkonomisering og tiltak for å få opp kraftproduksjonen i regionen, står det i brevet.
Rasar mot fylkesrådet
Natur og Ungdom rasar mot fylkesrådet, og meiner at høge straumprisar ikkje er eit argument godt nok for å starte dei mobile gasskraftverka.
- Høg straumpris er ikkje eit argument for oppstart av utslieppsbombene i Møre og Romsdal. Dette bør fylkesrådet i Nord-Trøndelag trekke tilbake umiddelbart, det er uaktuelt at vi skal basere oss på den mest skitne krafta vi har her i landet, seier
nestleiar Silje Lundberg i Natur og Ungdom.