– Dette er ein draum som blir verkeleg, ei ny tidsrekning for meg

– Det er heilt fantastisk og det finst nesten ikkje ord som kan beskrive det eg føler no, seier ordføraren, etter at TV2 melde dette torsdag formiddag.

• Les også: Lovar ein milliard til skipstunnel

Draum som blir verkeleg

– Dette er ein draum som blir verkeleg. Det er ei ny tidsrekning for meg no. Før og etter denne meldinga. Det er heilt fantastisk!

– Er du rørt?

– Ja, det er eg faktisk. Det har vore ein lang kamp, men det som no vil skje vil nærast lage ei heilt ny tidsrekning.

Les også:

• 200 millioner til Stad skipstunnel
• - Dette er å narre folk
• - Bygg skipstunnel med bompengar

– Høghastigheitstog på norskekysten

Aksjeselskapet Stad skipstunnel vart starta i 1985. Jan Helgøy flytta frå Sola til Vanylven året etter.

Han kom med i kommunestyret i Vanylven for KrF i 1987, og sidan har han kjempa for å få ein skipstunnel forbi det harde Stadhavet.

– Det er fantastisk at det er mogleg å få denne meldinga. No har vi høghastigheitstog på heile norskekysten berre med ein tunnel på 1700 meter.

– Magnet

Helgøy trur den nye tunnelen vil gi meir enn ein etterlengta sikker veg over Stadhavet for sjøfarande, og føre meir gods over frå veg til sjø.

– Berre tenk på kva magnet dette vil bli for turistar. Det er heilt utruleg at vi er der no, seier ordføraren.

Denne videoen er dessverre ikke tilgjengelig. Kontakt oss dersom du har spørsmål.